कपिलवस्तु । सामाजिक सेवा भावले ओतप्रोत लक्ष्मणघाट सामाजिक विकास केन्द्र र नेपाल युवा संस्था संजाल (आयोन) को सहकार्यमा आज बाणगंगा नगरपालिका वडा नं ६ भित्र रहेका कोरोना संकमितलाई पोषण सामाग्री सहयोग गरेको छ । अहिले विश्व महामारीका रुपमा रहेको कोरोना भाइरस (कोभिड १९) को दोस्रो भेरियन्टको संक्रमण बढ्दै गएका छन् ।
यसै सन्दर्भमा हिजो सम्मको वडाले दिएको तथ्यांकको आधारमा सो सामाग्री बितरण गरिएको संस्थामा कार्यसमिति सदस्य तथा सहयोग समितिका सह संयोजक बिरेन्द्र रेग्मीले बताए । संस्थाले स्थापना काल देखी नै बिभिन्न किसिमका सामाजिक कामहरु गर्दे आइरहेको छ । गत बर्ष पनी स्वास्थ्य कर्मी र सुरक्षाकर्मीको उपस्थतिमा कोरोना सम्बन्धी सचेतनामुलक रयाली, सुचना ,हात धुने तरिका सम्बन्धि नमुना अभ्यास,प्ले कार्ड ,पोष्टर तथा पम्पलेट बितरणका कामहरु गरेको संस्थाका सचिव थानेश्वर अधिकारीले बताए ।
कोरोना संक्रमितहरुका लागी पोषण सामाग्री अण्डा,चना, माक्स,साबुन लगायतका सामाग्री बितरण गरिएको छ । सो को लागी लक्ष्मणघाट सामाजिक विकास केन्द्रका संस्थापक सदस्य शालिकराम पन्थीले सहयोग गरका थिए । कार्यक्रमको समन्वय बाणगंगा नगरपालिका वडा नं ६ का वडाध्यक्ष सुकदेव थारुले गरेको लक्ष्मणघाट सामाजिक विकास केन्द्रका कोषाध्यक्ष सन्दिप न्यौपाने बताए ।
सहयोग कार्यक्रममा आयोनका उपाध्यक्ष तथा संस्थाका सचिव थानेश्वर अधिकारी, सहयोग समितिका सह संयोजक बिरेन्द्र रेग्मी, संस्थाका कोषाध्यक्ष सन्दिप न्यौपाने, कार्यसमिति सदस्य भोजराज बञ्जाडे, सदस्य कृष्ण गैरे लगायतको उपस्थिति रहेको थियो । संस्थाका अध्यक्ष रन बहादुर काउचाको अध्यक्षतामा बसेको बैठकले संस्थाका कार्यसमिति सदस्य अन्जित खनालको संयोजकत्वमा सहयोग समिति गठन गरेको थियो ।
सोही अनुरुप शुक्रबार बाणगंगा नगरपालिका वडा नं ५ मा सहयोग बितरण गरिने संस्थाका कार्यसमिति सदस्य भोजराज बञ्जाडेले बताए । मानिसको स्वास्थ्य सुरक्षाको जिम्मा राज्यले लिनपर्ने भएता पनी बिषम परिस्थितीमा हामी जस्ता संघ संस्था र नागरिक समाजको पनी कर्तव्य हुन आउने संस्थाका सदस्य तथा सहयोग समितिका संयोजक अंजित खनालले बताएका छन् ।
