एजेन्सी । हलिउडमा खुला संस्कृति छ भन्ने कुरा सबैमा जगजाहेर नै छ । यो संस्कृतिको जति फाइदा छ, त्यो भन्दा बढी नोक्सान छ । हलिउडमा यस्ता केही सेलिब्रेटी छन्, जसको विवाह लामो समयसम्म टिक्न सकेन । जसको कारक त्यहाँको खुला संस्कृतिलाई नै मानिन्छ ।
बलिउड लाइफका अनुसार यस्ता जोडीहरुमध्ये कतिपयले एकअर्कालाई धम्की दिए भने कतिपयले १ सय २२ दिनमै सम्बन्धविच्छेद गरे ।
क्रिस हम्फ्रीज र किम कार्दासियनले इन्गेजमेन्ट गर्नुअघि दुवैले सात महिना डेट गरे । सन् २०११ अगस्टमा दुवैले विवाह गरे पनि त्यसै वर्षको अक्टोबरमा किमले सम्बन्धविच्छेदको निवेदन दिइन् । त्यसको दुई वर्ष अर्थात् सन् २०१३ मा दुवैको सम्बन्धविच्छेद भयो ।
ब्रेडली कूपर र जेनिफर एसपोसिटोले सन् २००६ डिसेम्बरमा विवाह गरेका थिए । विवाहको झण्डै १ सय २२ दिनमा उनीहरु अलग्गिए । ब्रेडलीले आफूहरुको आपसी निर्णयमा अलग्गिएको बताएका थिए ।
‘बेवाच’ अभिनेत्री पामेला एण्डरसनले अक्टोबर २००७ मा लसभेगासमा रिक सालोमनसँग विवाह गरिन् । एण्डरसनले सन् २००८ डिसेम्बर १४ मा सम्बन्धविच्छेदको निवेदन दिइन् । यही बेला रिकले पामेलालाई कैयौं आरोप लगाएका थिए ।
अभिनेत्री जेनिफर लोपेज र ओजानी नोआले सन् १९९७ फेब्रुअरी २२ मा विवाह गरेका थिए । यद्यपि उनीहरुले विवाहको केही समयमै सम्बन्धविच्छेद गरे ।
पामेला एण्डरसन र किड रकले सन् २००६ मा विवाह गरे । तर यो विवाह केवल १ सय २२ दिनसम्म मात्र टिक्यो । यसपछि पामेला र किडले एकापसमा सम्बन्धविच्छेदका लागि निवेदन दिए ।
