संघीय सरकारले अध्यादेशमार्फत् ल्याएको बजेटमा समावेश ढुंगा, गिटी, बालुवा निकासी गर्ने कार्यक्रम हटाउन आग्रह गरेको हो ।
मुख्यमन्त्री लालबाबु राउतले आज विज्ञप्ति जारी गर्दै बजेटको उक्त कार्यक्रम सच्याउन आग्रह गरेका छन् । केन्द्र सरकारले निर्णय नसच्याए प्रदेश नम्बर २ ले चुरे संरक्षण तथा प्राकृतिक सम्पदा रक्षार्थ आवश्यक निर्णय लिने चेतावनी मुख्यमन्त्री राउतको छ ।
सरकारले चुरे दोहन हुने गरी ल्याएको कार्यक्रमबारे गम्भीर ध्यानाकर्षण भएको जनाउँदै मुख्यमन्त्री राउतले विरोध गरेका छन् ।
सप्तरीदेखि पर्सासम्म फैलिएको चुरे पहाड प्रदेशको रक्षा कवचको रूपमा रहेको भन्दै उनले जनता बाढीपहिरो, पानीलगायत समस्याबाट पीडित हुँदै आएको अवस्थामा चुरे दोहन हुने गरी सरकारले बजेटमा कार्यक्रम समावेश गरेकोले विरोध गर्नुपरेको बताएका छन् ।
हेर्नुहोस् विज्ञप्ति
