काठमाडौँ। पछिल्लो २४ घण्टाको अवधिमा नेपालमा ५ हजार ४२ जनामा कोरोना भाइरसको संक्रमण पुष्टि भएको छ भने ८ हजार २४३ जना संक्रमणमुक्त भएर डिस्चार्ज भएका छन् ।

स्वास्थ्य मन्त्रालयका अनुसार आज १६ हजार ८१४ नमुना पीसीआर र एन्टिजेन विधिबाट परीक्षण गरिएकोमा सो संख्यामा कोरोना संक्रमित थपिएका हुन् ।

योसँग नेपालमा कुल कोरोन संक्रमितको संख्या ५ लाख ८५ हजार १०० पुगेको छ । त्यस्तै ४ लाख ८४ हजार ३७३ जना संक्रमणमुक्त भएका छन् ।

२४ घण्टाको अवधिमा ६८ जना संक्रमितको निधन भएको छ । यो सँगै संक्रमणबाट ज्यान गुमाउनेको संख्या ७ हजार ७९९ पुगेको छ ।