काठमाडौँ।  नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्ना कारण पार्टी एकताको प्रयास सफल नभएको भन्ने प्रधानमन्त्री केपी ओलीको भनाइ झुट, भ्रामक र षड्यन्त्रपूर्ण रहेको बताएका छन् ।

सोमबार ट्वीट गर्दै प्रचण्डले भनेका छन्, ‘प्रधानमन्त्री केपी शर्मा ओलीले प्रचण्डको कारण एकताको प्रयास सफल नभएको भन्ने भनाइ झुट, भ्रामक र षड्यन्त्रपूर्ण छ । त्यस प्रकारको अभिव्यक्तिको घोर निन्दा र भर्त्सना गर्दछु ।

यसअघि प्रधानमन्त्री तथा एमाले अध्यक्ष केपी ओलीले आइतबार साँझ जारी गरेको अपिलमा प्रचण्डका कारण दुई पार्टीबीचको एकता सफल नभएको आरोप लगाएका छन् । त्यसको खण्डन गर्दैै प्रचण्डले ओलीको अभिव्यक्तिको निन्दा गरेका छन् ।