काठमाडौं । अमेरिकी किशोरी कोको गौफ फ्रेन्च ओपन टेनिसको क्वार्टरफाइनलमा पुगेकी छन् । सोमबार भएको चौथो चरणको खेलमा ओन्स जाबेरलाई ६-३, ६-१ को सोझो सेटमा पराजित गर्दै १७ वर्षीया गौफ पहिलो पटक ग्रान्डस्लामको क्वार्टरफाइनलसम्म पुगेकी हुन् ।

उनले सेमिफाइनल प्रवेशका लागि बार्बोरा क्रेसिकोभासँग खेल्ने छिन् । क्रेसिकोभा  सोमबार भएको चौथो चरणको खेलमा अमेरिकी खेलाडी स्लोएन स्टेफन्सलाई ६-२, ६-० को सोझो सेटमा पराजित गर्दै २५ वर्षीया क्रेसिकोभा ग्रान्डस्लामको महिला सिङ्गल्समा पहिलो पटक क्वार्टरफाइनलमा पुगेकी हुन् । गौफ गत वर्ष दोस्रो चरणबाटे बाहिरिएकी थिइन् ।