काठमाडौं ।उपत्यकामा वैशाख १६ देखि जारी निषेधाज्ञा आजदेखि केही खुकुलो बनाइएको छ ।

उपत्यकाका तीन जिल्लाका प्रमुख जिल्ला अधिकारीहरूको आइतबार बसेको बैठकले १४ असारसम्म निषेकाज्ञा थप गर्दै केही खुकुलो बनाउने निर्णय गरेको थियो । सोही निर्णयअनुसार आजदेखि निषेधाज्ञा केही खुकुलो बनाइएको हो ।

अब काठमाडौं उपत्यकामा जोरबिजोर प्रणालीका आधारमा निजी सवारी साधन सञ्चालन गर्न पाइने ललितपुरका प्रमुख जिल्ला अधिकारी ढुण्डीप्रसाद निरौलाले जानकारी दिए ।

त्यस्तै बार अनुसार पसल पनि खोल्न पाइने भएको छ । निरौलाका अनुसार आजदेखि आइतबार, मंगलबार र बिहीबार सुनचाँदी, भाँडा पसल, मोबाइल पसल बिहान ११ बजेदेखि अपराह्न चार बजेसम्म खोल्न पाइनेछ ।

यस्तै, डिपार्टमेन्ट स्टोर र फेन्सी पसलहरू भने सोमबार, बुधबार र शुक्रबार बिहान ११ बजेदेखि अपराह्न चार बजेसम्म खोल्न पाइने छ । खाद्यान्न र तरकारी पसल भने दैनिक बिहान ११ बजेसम्म मात्रै खोल्न पाइने छ ।

यसअघि हार्डवेयर पसलहरू बेलुका चार बजेपछि खोल्न दिने निर्णय गरेकोमा अब भने प्रत्येक बिहान ११ बजेदेखि साँझ ६ बजेसम्म पसल खोल्न पाइने छ ।

के गर्न पाइन्छ र?

सवारीसाधन चलाउन स् जोरबिजोर प्रणालीमा दिने
सुनचाँदी, भाडा र मोबाइल पसल स् आइतबार, मंगलबार र बिहीबार ११ बजेदेखि ४ बजेसम्म खुल्ने
डिपार्टमेन्ट स्टोर, फेन्सीका पसलहरू स् सोमबार, बुधबार र शुक्रबार बिहान ११ बजेदेखि अपराह्न ४ बजेसम्म खुल्ने
खाद्यान्न पसल स् हरेक दिन बिहान ११ बजेसम्म खुल्ने
निर्माण सामग्रीका पसल स् बिहान ११ बजेदेखि साँझ ६ बजेसम्म खुल्ने