कपिलवस्तु । कपिलवस्तुको बुद्दभुमी नगरपालिकाका विद्यालयका कर्मचारी हरुले नेपाल सरकारले तोकेको न्युनतम पारिश्रमिक बुद्दभुमी नगरपालिकाले व्यवस्थापन नगरिदिए आन्दोलन गर्ने चेतावनी दिदै ज्ञापन पत्र बुझाएका छन ।
नगरपालिका भित्र संचालित बिधालयमा अध्यापन गराउने शिक्षक र अन्य कर्मचारीहरुको तलब व्यवस्थापन गरिनुपर्ने भन्दै असार १८ गते सम्म माग सम्बोधन नगरे आन्दोलनलाई उग्र बनाउने चेतावनी दिएका छन ।
कर्मचारीहरुले बुद्दभुमी नगरपालिकामा असार १४ गते ज्ञापन पत्र बुझाउदै माग सम्बोधन गरिनु पर्ने बताएका हुन । विद्यालयका कर्मचारी ( लेखापाल ) , सहयोगि , बालबिकास शिक्षकहरुले नेपाल सरकारले तोकेको न्युनतम पारिश्रमिक माग गर्दै महासंघ , संघ संगठनका प्रतिनिधि सहितको टोलिले नगरपालिकामा ज्ञापनपत्र बुझाएको हो ।
