काठमाडौँ ।स्पेनिस ला लिगा फुटबलको खेल तालिका सार्वजनिक भएको छ ।

ला लिगाले सन् २०२१र२२ को सिजनको खेल तालिका बुधबार सार्वजनिक गरेको हो ।

अगस्ट १४ देखि हुने ला लिगामा पहिलो दिन नै १० खेल हुनेछन् । च्याम्पियन एट्लेटिको मड्रिडले सेल्टा भिगोसँग खेल्दै सिजनको सुरुवात गर्नेछ ।

रियल मड्रिडले पहिलो खेलमा अल्भेससँग उसैको मैदानमा खेल्नेछ । बार्सिलोनाले सिजनको पहिलो खेल रियल सोसिडाडसँग घरेलु मैदानमा खेल्नेछ ।

त्यस्तै सिजनको पहिलो एल क्लासिको भिडन्त अक्टोबर २४ मा हुने भएको छ । बार्सिलोना र रियल मड्रिडबीचको पहिलो एल क्लासिको भिडन्त अक्टोबर २४ मा क्याम्प नाउमा हुने भएको हो ।

यस्तै सान्टियागो बर्नाबेउमा हुने दोस्रो एल क्लासिको भिडन्त मार्च २० मा हुनेछ ।