काठमाडौँ। चिलीलाई हराउँदै ब्राजिल कोपा अमेरिका फुटबलको सेमिफाइनलमा प्रवेश गरेको छ ।
शनिबार बिहान भएको खेलमा ब्राजिललाई जित दिलाउन लुकास पाक्केटाले विजयी गोल गरे । दोस्रो हाफको पहिलो मिनेटमा लुकासले गरेको गोल नै ब्राजिललाई सेमिफाइनल पर्याउन पर्याप्त बन्यो ।
५०औँ मिनेटमा ग्याब्रियल जिसस रातो कार्ड खादै मैदान बाहिरिएपछि ब्राजिल १० खेलाडीमा सिमित बनेको थियो । अब ब्राजिलले सेमिफाईनलमा पेरुसंग खेल्नेछ ।
शनिबारको पहिलो क्वार्टरफाईनलको खेलमा पेरुसंग पाराग्वे पराजित भएको थियो ।
