काठमाडौँ । देशभर पछिल्लो २४ घण्टामा थप २ हजार १९७ कोरोना संक्रमित संक्रमणमुक्त भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार देशभरका विभिन्न अस्पतालबाट उनीहरू डिस्चार्ज भएका हुन् ।
हालसम्म नेपालमा ६ लाख ४१ हजार ५६५ जना कोरोना संक्रमणमुक्त भएका छन् ।
हाल नेपालमा २७ हजार ७५७ सक्रिय संक्रमित आइशोलेशनमा छन् भने ३४४ जना क्वारेन्टाइनमा छन् ।
हालसम्म नेपालमा ३५ लाख २८ हजार ५१४ वटा पीसीआर र २ लाख ८६ हजार ४६४ वटा एन्टिजेन परिक्षण गरिएको मन्त्रालयले जनाएको छ।
पछिल्लो २४ घण्टामा ३ हजार ११४ जना संक्रमित थपिएका छन् भने थप १६ जनाको मृत्यु भएको छ ।
हालसम्म नेपालमा कोरोनाका कारण ९ हजार ६९५ जनाले ज्यान गुमाएका छन् ।
