रामेछाप । नेपाली कांग्रेसका निवर्तमान जिल्ला सभापती लबश्री न्यौपानेले प्रेस वक्तब्य जारी गर्दै नेपाली कांग्रेसको १४ औं जिल्ला अधिबेसन बाट सभापती लगाएत निर्वाचित सबैलाई शुभकामना ब्यक्त गरेका छन् ।
नि वर्तमान सभापती समेत रहेका न्यौंपानेले प्रेस वक्तब्यमा भनेका छन् नेपाली कांग्रेस रामेछाप जिल्ला कार्य समितिको निर्वाचनमा सभापतिका प्रत्यासी हामी तिन मध्ये कसैले पनि विधानतः जिल्ला पार्टी सभापति बन्नका लागि आवस्यक ५० प्रतिशत भन्दा बढी मत प्राप्त गर्न सकेनौ । पुर्ण बहादुर तामाङ (कान्छाराम) पहिलो, म (लवश्री न्यौपाने) दास्रो र मेरा मित्र कृष्ण बहादुर महतजीले तेस्रो स्थान प्राप्त गर्र्यो । मलाई दोस्रो स्थानको मत प्राप्त गर्न आफ्नो अभिमत प्रदान गर्नुहुने सबै क्षेत्रीय प्रतिनिधि साथीहरुप्रति हार्दिक धन्यवाद व्यक्त गर्दछु भनेका छन् ।
साथै कांग्रेसको निष्ठा र आदर्शमा अविचलित प्यारा साथीहरुबाट प्राप्त स्थानको उच्च सम्मान व्यक्त गर्दै मेरो कार्यकालमा साथ सहयोग गर्नुहुने सबै प्रति र जिल्ला अधिवेशन सफलतापूर्वक सम्पन्न गर्न प्रत्यक्ष अप्रत्यक्ष भूमिका निर्वाह गर्नुहुने सबै प्रति धन्यवाद ज्ञापन गर्दछु भनेका छन् ।
न्यौपानेले प्रेस वक्तव्यमा भनेको छ । विधानतः जिल्ला सभापति छान्ने प्रक्रिया अर्न्तगत आवश्यक मत कसैले पनि प्राप्त गर्न नसकेको परिस्थितिमा सहकार्य, सहमति र एकताका लागि सम्पूर्ण साथीहरुको आग्रहमा मैले पूर्णबहादुर तामाङ्ग (कान्छाराम) लाई सर्वसम्मत सभापतिको लागि सघाउने निर्णय गरेको हुँ । नेपाली काङग्रेस पार्टीभित्र हामी एकअर्कामा वैमनष्यता, मनमुटाव राखेर संगठन मजवुद वनाउन सक्दैनौ । निकट भविष्यमै हुने स्थानीय तहको निर्वाचनलाई मध्यनजर गर्दै हामी सबै मिली एकजुट भई सवै तहमा विजय प्राप्त गर्नुपर्नेछ । सहकार्य र एकता नै काङग्रेसको बल हो । यही तथ्यलाई आत्मसाथ गर्दै सबै मिलेर जिल्ला भरिनै संगठन विस्तारमा लाग्नुपर्ने अवस्था छ । यस परिस्थितिमा पार्टी भित्रका आन्तरिक विवादहरुलाई मिलाएर एकजुट हुन आवश्यक थियो । पार्टी भित्रको एकता कै लागि सर्वसम्मत सभापति चयन गर्न मैले कान्छारामजीलाई साथीहरुको आग्रहमा सहयोग गरेको हुँ ।
आगामी दिनमा काङग्रेसलाई थप मजवुद वनाउन उहाँले महत्वपुर्ण भुमिका खेल्ने विश्वास लिएको छु । मेरा कार्यकालमा शुरुवात भएका अधुरा कार्यहरु पूरा गर्ने तर्फ लाग्नुहोस्, संगठनलाई मजवुद वनाउनु होस, सबै स्थानीय तहमा नेपाली काङग्रेसको जीत सुनिश्चित गराइ काङग्रेसलाई मजवुद बनाउन र काङग्रेसका सबै साथीहरुलाई एक ढिक्का गराएर लैजानु आग्रह गर्दछु । तपाईको कार्य अवधिभर सदैव तपाईसँग हातमा हात र कार्धमा कार्धं मिलाएर सहयोग गर्नेछु । कान्छारामजी, सर्वसम्मत सभापति बन्नु भएकोमा हार्दिक वधाइका साथै सफल एंव उत्कृष्ट कार्यकालको शुभकामना व्यक्त गर्दछु प्रेस वक्तव्यमा भनिएको छ ।