नेपाली कांग्रेसको १४ औं महाधिवेशन अन्तर्गत सिन्धुपाल्चोकको संघीय निर्वाचन क्षेत्र नम्बर एकको केन्द्रीय महाधिवेशन प्रतिनिधिमा हिमालकुमार श्रेष्ठ निर्वाचित भएका छन् ।

श्रेष्ठ जनजाती तर्फबाट केन्द्रीय महाधिवेशन प्रतिनिधिमा निर्वाचित भएका हुन् । त्यसो त श्रेष्ठ शेरबहादुर देउवा निकट नेता हुन् । उनलाई पूर्व मन्त्री मोहनबहादुर बस्नेतको साथ रहेको थियो।

सिन्धुपाल्चोक जुगल गाउँपालिकाबाट राजनीति सुरु गरेका श्रेष्ठले महाधिवेशन केन्द्रीय प्रतिनिधिमा ४७७ मत ल्याएर निर्वाचित भएका हुन् । त्यसो त श्रेष्ठ लामो समय देखि समाजसेवामा पनि सक्रिय छन् । उनले यसअघि क्षेत्र नम्बर एकको क्षेत्रिय कोषध्यक्षको पनि जिम्मेवारी सफलतापूर्वक निर्वाह गरिसकेका छन् ।