झापा । कोरोना भाईरसको महामारीका कारण सञ्चार क्षेत्र पनि अछुतो छैन ।
नागरिकलाई सुसुचित गराउन खटिने सञ्चारकर्मी समेत संक्रमित हुनेक्रम बढे पछि झापामा घर घरमै पुगेर औषधि, पोषिलो खानेकुरा तथा योगशिक्षा प्रदान गर्न थालिएको छ ।
कोरोना भाइरसबाट संक्रमित भई होम आइसोलेसनमा बसिरहेका झापाका पत्रकारका लागि पोसिलो खानेकुरा, औषधि घर–घरमा पुर्याईएको हो ।
स्वास्थ्यकर्मीसहित पत्रकार महासंघ झापा शाखाले संक्रमित सबै पत्रकारको मनोबल बढाउन तथा स्वास्थ्य लाभको कामना गर्दै पोषिलो खानेकुराको प्याकेज घर–घरमा पुर्याएको हो ।
त्यसक्रममा महासंघको टोलीले पत्रकारहरुको स्वास्थ्य अवस्थाबारे जानकारी लिनुका साथै आवश्यक सहयोग र समन्वयलाई निरन्तरता दिने जनाएको छ ।
