पाल्पा – नेकपा एमाले पाल्पाको नवौं जिल्ला अधिवेशनबाट धनेन्द्रराज घिमिरे अध्यक्षमा निविरोध निर्वाचित हुनुभएको छ । घिमिरे केन्द्रिय लेखा आयोग सदस्य हुनुहुन्छ । जिल्लामा अध्यक्षको दाबेदारमा धेरैको चर्चा थियो । तर अन्तिममा सर्वसहमतिमा पुराना नेता घिमिरेलाई जिला अध्यक्ष बनाइएको हो ।

कमिटिको उपाध्यक्षमा देवीलाल लामिछाने, सचिव भोजराज पोखरेल (रामजी), उपसचिव टीका थापा र सुनिता शर्मा निर्विरोध चयन हुनुभएको छ। जिल्लाको हरेक क्षेत्र र वडा समेटेर जिल्ला कमिटी गथन भएको जनाइएको छ । १०५ सदस्यीय जिल्ला कमिटिमा अन्य सदस्यमा हुनुहुन्छ ।

नेकपा एमाले पाल्पाका अध्यक्ष नारायण आचार्यको अध्यक्षतामा शुक्रबार देखि तानसेन-९ को तिन्टीआपमा अधिबेशन शुरु भएको थियो । अधिवेशनमा जिल्लाभरबाट ७ सय प्रतिनिधि सहभागी थिए ।

उद्घाटन कार्यक्रममा बोल्दै पूर्वमन्त्री तथा पोलिटब्युरो सदस्य दलबहादुर राना, पोलिटब्युरो सदस्य ठाकुर गैरे, केन्द्रिय सदस्य सिर्जना काफ्ले र प्रदेश अध्यक्ष राधाकृष्ण कडेलले अबको निर्वाचनमा एमाले एक नम्बरमा आउने गरि लाग्नुपर्ने बताएका थिए ।