लिमा- पेरुको लिमा विभागमा सोमबार बिहान यात्रुवाहक बस सडकबाट चिप्लिएर नदीमा खस्दा कम्तीमा १० जनाको मृत्यु भएको छ भने २५ जना घाइते भएका छन्  ।

लिमा जाँदै गरेकाे बस चट्टानबाट चिप्लिएर करिब सात मिटर तल रिमाक नदीमा खसेको थियो । पेरुभियन रेडियो स्टेशन रेडियो प्रोग्रामास डेल पेरुका अनुसार बसमा छ जना नाबालिग सहित ६० जना यात्रु सवार रहेको र तीमध्ये तीन जना घाइते भएका थिए ।

घाइते २५ जना मध्ये पाँच जनाको अवस्था गम्भीर रहेको छ।

दुर्घटनामा परी घाइते भएका बस चालकलाई दुर्घटनाको कारण पत्ता लगाउन जिल्ला प्रहरी कार्यालय चिक्लाकाे हिरासतमा राखिएको छ ।