काठमाडौ । प्रधानमन्त्री केपि शर्मा ओलिले कार्तिक र मङ्सिरमा हुने निर्वाचन भन्दा अघि सबै जनतालाई खोप व्यवस्था गरिने बताउनु भएको थियो तर स्वास्थ्य मन्त्रालयले भने असार मसान्तसम्म २ करोड डोज ल्याउने खोप बताएको छ ।
चीन सरकारबाट १० लाख डोज, अमेरिकी सरकारबाट १० लाख डोज र बेलायत सरकारबाट २० लाख डोज खोप अनुदानमा ल्याउदै छ ।
त्यससँगै सरकारले अमेरिकासँग ५० लाख डोज, बेलायतसँग ५० लाख डोज, चीनसँग २० लाख डोज, रुससँग २० लाख डोज र भारतसँग १० लाख डोज खोप खरिद गर्न प्रक्रिया शुरु भएको स्वास्थ्य मन्त्रालयले जनाएको छ ।
सरकारले कोभिड–१९ को उपचारका लागि १५७ वटा अस्पताल छुट्याएको र ४५ निजी अस्पतालमा निःशुल्क उपचारको व्यवस्था गरिएको छ। हालसम्म कोरोना उपचारका लागि ४७ करोडको शोधभर्ना गरिएको मन्त्रालयले जनाएको छ ।
