जसले मानिसको दृष्टि कमजोर पार्दछ । यस्तोमा भोजन र खानेकुराको माध्यमबाट दृष्टि क्षमता बढाउन सकिन्छ । जसका लागि निम्न खानेकुरा खान सकिन्छ ।

१. गाढा रङका हरिया सागपात

गाढा रङ भएका सागपात जस्तै, सलाद पत्ता, पालुंगो र रायोमा धेरै मात्रामा भिटामिन सी र ई पाइन्छ । यसमा पाइने भिटामिन एले दृष्टिसम्बन्धी दीर्घकालीन रोगबाट जोगाउँछ ।

२. फर्सी

खानामा फर्सी एउटा यस्तो स्रोत हो, जसबाट हामी वर्षैभरि भिटामिन सी, जिंक, भिटामिन ए र ओमेगा–३ फ्याटी एसिड प्राप्त गर्न सक्छौं, जुन दृष्टिका लागि अति आवश्यक पर्दछ ।

३. अण्डा

अण्डामा पाइने पोषक तत्वको पहेँलो–सुन्तला रङले रेटिनालाई हानिकारक नीलो प्रकाशबाट जोगाउँछ । साथै, दृष्टि क्षमता घट्न दिँदैन ।

४. ब्रोकाउली

ब्रोकाउलीमा बिटा क्यारोटिन, भिटामिन सी, ई र के, म्याग्नेसियम, फोस्फरस, पोटासियम र जिंक प्रचूर मात्रामा पाइन्छ ।

५. सूर्यमुखीको बिउ र नट्स (बदाम)

वयस्कले सूर्यमुखीको बिउ वा नट्स (बदाम, काजु, किसमिस आदि) दैनिक एक औंस खाएमा आवश्यक भिटामिन ‘ई’को आधा मात्रा प्राप्त हुने अमेरिकाको औषधि व्यवस्था विभागले उल्लेख गरेको छ । भिटामिन ईले अरु पोषक तत्वसँग मिलेर उमेर बढेसँगै विकास हुने दृष्टि कमजोरीको अवस्था आउन ढिलो पार्ने र रोकथाम गर्दछ ।

६. रातो भेँडे खोर्सानी

रातो भेँडे खोर्सानी भिटामिन सीको राम्रो स्रोत मानिन्छ । भिटामिन सीले आँखाका धमनी स्वस्थ राख्छ र मोतियाविन्दुको जोखिम घटाउँछ ।

७. गेडागुडी र सिमी

उच्च मात्रामा फाइबर तथा स्वस्थकर फ्याट प्राप्त गर्ने सर्वोत्तम स्रोत माछामासुपछि गेडागुडी र सिमी हो । फाइबर र स्वस्थकर फ्याटले अँध्यारोमा दृष्टि तिखो पार्दछ र एएमडीबाट पनि जोगाउँछ ।

८. सखरखण्ड

सखरखण्ड, गाँजर, आँप, आरु लगायत सुन्तला रंगका फलफूल र सागसब्जी आँखाकालागि अत्यन्त फाइदाजनक छन् । यिनमा उच्च मात्रामा ‘बिटा क्यारोटिन’ पाइन्छ, जुन भिटामिन एमा परिवर्तन हुन्छ र अँध्यारोमा हेर्न आँखालाई चाँडै अभ्यस्त बनाउँछ ।