हाम्रो कपाल (साफ्ट) पाइप र जरा गरेर दुई भाग हुन्छ । साफ्ट टाउकोको बाहिरी भागमा देखिने भाग हो । जरा चाहिँ टाउकोको भित्री भागमा हुन्छ । जसले कपाललाई अडाएर राख्दछ ।

कपालको रंग निर्धारण गर्ने मेलानिन रसायनका आधार हुन् । यही रसायनले कपालको रङ्ग सेतो नभएर विभिन्न खाले हुन्छ । यो रसायन जन्मेदेखि नै बनिन थाल्दछ । मानिस जति बुढो भयो कपालमा मेलानिनको मात्रा त्यति नै कम हुँदै जान्छ र कपाल सेतो हुन्छ । यसलाई नै हामी हाम्रो कपाल फुल्यो भनेर भन्छौँ ।

कपाल फुल्ने कारण :
१. कपाल फुल्नमा जीन महत्वपुर्ण हुन्छ । बाबु बाजेको जीन सन्ततिमा भेटाउन सकिन्छ ।
२. कपालमा भिटामिन बीको कमी भयो भने पनि त्यो चाँडै फुल्ने गर्छ ।
३. रगतमा आइरनको कमी वा थाइरोड ग्ल्यान्डमा खराबी भयो भने पनि कपाल फुल्छ ।
४. चुरोट खानेहरुको कपाल पनि चुरोट नखाने मानिसको भन्दा चाँडै फुल्छ ।
५. प्रदूषणको असरका कारण पनि मानिसको कपाल चाडैं फुल्ने गर्दछ ।
६. क्यान्सर, एड्स जस्ता रोग लाग्यो भने पनि कहिलेकाहीँ उमेर मै कपाल फुल्ने गर्छ ।