रामेछाप । रामेछाप गोकुलगंगा गाउँपालिकाका तीन युवाले गोकुलगंगा गाउँपालिका अस्पताललाई स्वास्थ्य सामाग्री सहयोग गरेका छन् । सो गाउँपालिका वडा नं ५ नामाडीका दिनेश थापा, प्रह्लाद खड्का र शंकर थापाले कोभिडमा अक्सिजन नपाएर अकालका मृत्यूबरण गर्न नपरोस भनेर अक्सिजन सिलिन्डर अस्पताललाई हस्तान्तरण गरेका छन् ।
उनीहरुले कोरोना संक्रमण नियन्त्रण र उपचारका लागि ५ थान अक्सिजन सिलिन्डर, ५ हजार थान सर्जिकल मास्क, २० लिटर सेनिटाइजर, औषधी, ब्ल्याङ्केट र ५० हजार नगद गाउँपालिका अध्यक्ष खड्गबहादुर सुनुवार मार्फत गोकुलगंगा गाउँपालिका अस्पताललाई हस्तान्तरण गरेका हुन् ।
आगामी दिनमा पनि सहयोगलाई निरन्तरता दिदै कोरोना कहरलाई निस्तेज पार्न युवाहरु जिल्लामा स्थानीय निकायसँग सहकार्य गर्दै जाने अनेरास्ववियुका केन्द्रिय सदस्य दिनेश थापाले बताए ।
