काठमाडौं । गायक दिपक जोशीको ‘का छै मैना चडी २’ सार्वजनिक भएको छ । जोशीलाई आवाजमा पुर्णकला बिसीले साथ दिएकी छन् । तिलक फिल्म प्रा।ली। युट्युब च्यानलबाट गीत सार्वजनिक भएको हो । गीतको भिडियोमा गायिका शोभा त्रिपाठी जोशीको अभिनय छ ।

तिलक बडुको शब्द, गायक जोशीको संगीत र भूवन बडुको संगीत संयोजनमा तयार भएको गीतमा प्रेमी र प्रेमिकाबीचको भौतिक दुरीका कारण भेट हुन नपाएको प्रसंगलाई उतारिएको छ ।

भिडियोको निर्देशन भिम थापाले गरेका छन् भने, छायाङकन जयराम थापाले गरेका हुन् । यसअघि २ बर्ष पहिला नै (का छै मैना चडी) सार्वजनिक भइसकेको थियो । जोशी लामो समय सांगीति क्षेत्रमा सक्रिय छन् ।

उनले दर्जनौ गीतमा आवाज दिएको छन् भने, कयौँ भिडियोमा उनी आफैले अभिनयसमेत गरेका छन् । जोशी डेढ दशकदेखि देउडा गीत संगीतमा सक्रिय छन् ।