मुम्बई  ।(बलिउड हंगामा)– बलिउड अभिनेता सुनील सेठ्ठीका छोरा अहान निर्माता साजिद नाडियाडवालाको फिल्म ‘तडप’बाट बलिउडमा डेब्यू गर्दैछन् । फिल्म हल खुल्नासाथ निर्माता साजिद फिल्मको रिलिज मिति घोषणा गर्ने तयारीमा छन् ।

यिनै अहान महेश भट्टको फिल्म ‘आशिकी ३’मा अभिनय गर्ने भएका छन् । भट्टको सुपरहिट ‘आशिकी’को फ्रेञ्चाइजी यो फिल्मको छायांकन आगामी वर्षदेखि सुरु हुँदैछ । एक्सनपूर्ण फिल्म ‘तडप’ पछि अहान आफूलाई इमोसनल रोमान्टिक फिल्ममा प्रमाणित गर्न चाहन्छन् ।

फिल्म ‘आशिकी ३’मार्फत अहानलाई आफ्नो भर्सटायल छविलाई प्रमाणित गर्ने सुनौलो अवसर आएको फिल्मकर्मीहरु बताउछन् । यसअघि अहान अक्षय कुमारसँग स्क्रिन शेयर गर्ने चर्चा चलिरहँदा कतैबाट पनि यो कुराको पुष्टि हुन सकेको थिएन ।