बाँके। दुर्लभ वन्यजन्तु पाटे बाघको छालासहित प्रहरीले बाँकेको बैजनाथ गाउँपालिकाबाट दुई जनालाई पक्राउ गरेको छ ।
प्रहरीका अनुसार पक्राउ पर्नेमा दैलेखको मललेख गाउँपालिका–३ दर्पाका २४ वर्षीय डम्बर बुढा र सोही जिल्ला रामरोसन गाउँपालिका-५ का ३५ वर्षीय नन्दु बुढा रहेका छन् ।
जिल्ला प्रहरी कार्यालय बाँकेका डीएसपी मधुसुदन न्यौपानेका अनुसार कोहलपुर इलाका प्रहरी कार्यालयका खटिएको प्रहरी टोलीले वैजनाथ गाउँपालिका–४ तिलकपुरको भित्रि सडकबाट उनीहरूलाई पक्राउ गरेको हो ।
अहिले उनीहरू माथि थप अनुसन्धान भइरहेको प्रहरीले जनाएको छ ।
