आवश्यक सामग्री (चार जनाको लागि)

पानी — ३ कप (चिया कपको)
तोरी तेल — २० ग्राम
हरियो लसुन सानो — २ मुठा (मसिनो गरी काटेको)
सुकेको खोर्सानी — २ वटा
नुन — स्वाद अनुसार
वेसार — १÷२ चम्चा (सानो चम्चाको)
गोल्भेडा — १०० ग्राम मसिनो गरी काटेको
तोरीको गुन्द्रुक — १ छटाक (सफा गरेको)

गुन्द्रुक बनाउने विधि

बाक्लो प्यानमा तेल तताउने, गुन्द्रुक फ्राई गरेर झिक्ने । अब त्यसैमा खुर्सानी र लसुन फ्राई गरेर पछि गोल्भेडा, नुन बेसार राखेर एकछिन छोपेर पकाउने ।
गोल्भेडा पाकेपछि पानी राख्ने, उम्लिएपछि गुन्द्रुक राखिदिने । एकछिन उम्लिए पछि झिकेर अर्को बाटामा खन्याउने ।
ढिँडोको सामग्री :

कोदाको पिठो — १ के.जी.

पानी — १/२ लिटर पानी नपुग भएमा थप्न सकिन्छ ।

बनाउने विधि :

कराहीमा पानी तताउने र २ चम्चा पिठो छरिदिने । पानी उम्लिएपछि पिठो राख्दै दह्रो पन्युले चलाउँदै जाने ।
कराहीमा मांम्री बस्न थालेपछि यो तयार हुन्छ । त्यसपछि कचौरामा गुन्द्रुक राख्ने र थालमा ढिँडो राखी चोप्दै खाने ।
साभार : ‘सजिलो कुकिङ’ पुस्तकबाट