काठमाडौँ। सत्तासीन दल नेपाली कांग्रेसका सांसद डा. मिनेन्द्र रिजालले शेरबहादुर देउवालाई सर्वोच्च अदालतले प्रधानमन्त्री बनाएको भनेर जिकिर नगर्न विपक्षीलाई आग्रह गरेका छन् ।
आइतबार संसदमा प्रधानमन्त्री देउवाले मागेको विश्वासको मतमाथिको छलफलमा भाग लिँदै उनले संसद जोगाउन संविधानले गरेको व्यवस्था अनुसार दिइएको स्वविवेकको अधिकार नदिएर मिलेमतो गरिएकाले अदालत जानु परेको बताएका हुन् ।
संसद जोगाउन संविधानको धारा ७६ को उपधारा ५ मा व्यवस्था गरिएको विवेकको मत दिने धारा भत्काउने हुँदा अदालत गएका हौं । मिलेमतोमा काम गर्नेलाई संवैधानिक सर्वोच्चता छ भनेर सम्झाउन गरेको हो, रिजालले भने ।
उनले सरकार कसरी चलाउनु पर्छ भन्ने कुरा कांग्रेसले सिकाउने बताए ।
