काठमाडौँ । प्रतिनिधिसभाको बैठक आज बस्दैछ ।
दिउँसो १ बजे डाकिएको बैठकमा प्रधानमन्त्री शेरबहादुर देउवाले मुस्लिम आयोगको आर्थिक वर्ष २०७६/०७७ वार्षिक प्रतिवेदन पेश गर्ने सम्भावित कार्यसूची छ ।
यस्तै सभामुख अग्निप्रसाद सापकोटाले शोक प्रस्ताव प्रस्तुत गर्ने अर्को कार्यसूची छ ।
तत्कालीन राष्ट्रिय प्रजातन्त्र पार्टीबाट २०४८ सालको प्रतिनिधिसभा सदस्य निर्वाचनमा दार्चुला जिल्ला क्षेत्र नं २ बाट निर्वाचित अकबरबहादुर सिंहको निधनमा शोक प्रस्ताव पारित गरिने संसद सचिवालयले जनाएको छ ।
पछिल्लो समय कांग्रेसमा रहेका सिंहको ९० वर्षको उमेरमा गत साउन १५ गते निधन भएको थियो ।
