काठमाडौँ । प्रधानसेनापति पूर्णचन्द्र थापा र अमेरिकी राजदुत र्‍याण्डी बेरीबीच सैनिक मुख्यालय जंगी अड्डामा भेटबार्ता भएको छ ।

सैनिक जनसम्पर्क निर्देशनालयका अनुसार प्रधानसेनापति थापाको कार्यकक्षमा मंगलबार भएको भेटवार्ताका क्रममा दुई पक्षीय आपसी हित तथा पारस्परिक सम्बन्धका विषयमा छलफल भएको थियो ।

यस किसिमको नियमित भेटवार्ताले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने सैनिक जनसम्पर्क निर्देशनालयले जनाएको छ ।