काठमाडौं–केहि महिनाअघि गायक यम बरालसँगको सहकार्यमा ‘जवानी ताजा ताजा छ’ बोलको म्युजिक भिडियो सार्वजनिक गरेकी गायिका उर्मिला लाम्गादेले नयाँ गीत ‘माया बैगुनी’ लिएर दर्शक तथा श्रोतामाझ आएकी छन् ।
गीतमा वसन्त सापकोटाको शब्द र संगीत तथा सुदीप सागरको एरेन्ज छ ।
भिडियोमा गायिका लाम्गादेसँगै अभिनेता दीलिप रायमाझी फिचर्ड छन् ।
विक्की पुलामीको निर्देशन रहेको भिडियोमा प्रज्जवल पन्तको छायांकन र विष्णु खड्काको सम्पादन छ ।
भिडियो बुढासुब्बा डिजिटलको आधिकारिक च्यानलमार्फत सार्वजनिक गरिएको छ ।
