काठमाडौ । जनता समाजवादी पार्टी नेपाल संघीय परिषद्का अध्यक्ष एवं पूर्वप्रधानमन्त्री डा। बाबुराम भट्टराई चिकित्सकको सल्लाहअनुसार केही दिन वीर अस्पतालमै रहने भएका छन् ।

गत शुक्रबार उनको पेटको न्युरो इन्डोक्राइनको ट्युमरको शल्यक्रिया भएको थियो ।
शल्यक्रियापछि अहिले उनको स्वास्थ्यमा राम्रो सुधार भएको चिकित्सकहरुले बताएको जसपा नेपालका कार्यकारिणी सदस्य विश्वदीप पाण्डेले बताए ।

उनी केही दिन चिकित्सकहरुको निगरानीमा वीर अस्पतालमै रहने बताइएको छ ।