पाल्पा-

             पाल्पा कारागारमा एक कैदीबन्दीले कारागारको शौचालयमा नै आत्महत्या गरेका छन् ।

              कारागारको शौचालयको भेन्टिलेटरमा झुण्डिएर स्याङ्जाका किसान गुरुङले आत्महत्या गरेका हुन् । स्याङ्जाको भिरकोट नगरपालिका ७ का ३० वर्षीय गुरुङले शौचालयको भेन्टिलेटरमा झुण्डिएर आत्महत्या गरेको पाल्पा कारागारकी प्रमुख भक्तिसरा रानाले बताउनुभयो ।

              गुरुङ चोरी मुद्दामा कारागारको सजाय भोग्दै आएका थिए । २०७६ साल जेठमा स्याङजा कारागारमा परेका गुरुङलाई २०७६ सालको माघमा पाल्पा कारागारमा ल्याईएको थियो । पाँच वर्षको लागि कारागारको सजाय काट्दै आएका गुरुङको शव पोष्ट मार्टम गरि परिवारलाई हस्तान्तरण गर्ने तयारीमा भएको पाल्पा कारागारले जनाएको छ ।