मेरो धरहरा म आफैँ बनाउँछु
मेरो सम्पदा म आफैँ उठाउँछु
मेरो इतिहास म आफैं रच्छु
आखिर ,
गरे के हुँदैन ?
लडेको धरहरा उठ्यो ,
आखिर उठ्नै पर्ने थियो
धरहरा आफूमात्र उठेन ,
तीन करोड नेपालीको शिर उठायो ।

धरहरा देशको आर्थिक मेरुदण्ड भएर उठ्यो
समृद्ध नेपाल सुखी नेपालीको
मूलमन्त्र बनेर उठ्यो
विकासको पहिलो अध्याय बनेर उठ्यो
सभ्यता र संस्कृति बोकेर उठ्यो
प्रत्येक नेपालीको मुस्कान बनेर उठ्यो
लडेको त्यो धरहरा उठ्नुथियो
नयाँ रूप लिएर उठ्यो ।

धरहरा राष्ट्रिय सम्पदा हो
धरहरा स्वाभिमान हो
धरहरा प्रत्येक नेपालीको ,
मान , सान , इज्जत ,प्रतिष्ठा र गौरव हो
लडेको धरहरा उठ्नुथियो ,
उठ्यो
लडेको धरहरा म आफैं बनाउँछु
आखिर
गरे के हुँदैन ?
अब ,
विश्वमा मेरो पहिचान नै धरहरा हो ।

रचना : लक्ष्मीप्रसाद ढकाल
दर्शनाचार्य तह अध्ययनरत
त्रिभुवन विश्वविद्यालय , कीर्तिपुर