आज बसेको एमालेको महाधिवेशन आयोजक कमिटिको बैठकमा ओलीले सीसीएमसीको बैठकले गरेको सिफारिस लगाएतका विषयमा जानकारी गराएको प्रवक्ता प्रदीप ज्ञवालीले जानकारी दिए ।

त्यसबाहेक पार्टीको ह्रवीप उल्लंघन गर्ने सांसदहरुलाई कारबाही गर्ने विषय समेत बैठकमा सामान्य छलफल भएको ज्ञवालीले बताए ।

उनले स्पष्टीकरण सोधिएका नेताहरुलाई कस्तो कारबाही गर्ने भन्ने जिम्मा स्थायी कमिटिलाई दिइएको अबस्थामा कर्णाली प्रदेशमा जस्तै अन्य स्थानमा समेत फ्लोर क्रस हुनसक्ने विषयमा पनि छलफल भएको उनले बताए ।

यसैबीच बैठकमा सहभागी एक नेताका अनुसार कोरोनाको विषयमा प्रधानमन्त्री ओलीको मन्तव्यसँगै बैठक सकिएको हो । प्रधानमन्त्री ओलीले कोरोनाबाट जोगिएर जिल्ला जिल्लामा हेल्प डेस्क बनाउन समेत नेता कार्यकर्तालाई आग्रह गरेको उनले बताए । महाविधेशन आयोजक कमिटिको बैठकमा स्पष्टीकरण सोधिएका नेताहरुका बारेमा सामान्य छलफल नभएको उनले बताए ।

त्यसअघि बसेको एमालेको स्थायी कमिटिको बैठकमा स्पष्टीकरण सोधिएका नेताहरुका बारेमा छलफल भएको हुनसक्ने उनले बताए ।