आजकल म पनि चुनावी मैदानमा छु

आँफै आँफ्नो उमेद्वार

अनी आँफै मतदाता

शंखनाद गर्दै ,

दौडिरहेको छु

सपनाको मौन प्रचारमा ।

क्षितिजमा मुस्कुराइ रहेछन

अलेक्जेंडर र बुद्धहरु,

बोकेको छु थुप्रै महत्वकान्छी योजनाहरु ,

नेताहरु जस्तो झुटको खेती गरेर ,

आँफैलाई झुक्याउनु छैन मलाई।

फोड्नु छ चट्टानी पहाडहरु

उकेलेर आगो

बदल्नु छ नदीको बाटो

र बनाउनु छ मनका फाटहरु हराभरा।

बिचारका मतपेटिका

आफ्नै स्वाभिमानी मतहरुले भरेर

फेरी एकचोटि

बिजयी पताका लहराउनु छ ,

आफ्नै शैलीमा

उन्मादी बिजयी गीत गाउनु छ,

हो! मलाई जिन्दगी को चुनाव जितेर

यहाँ, आँफैसँग आँफैलाई जित्नु छ !

आँफैसँग आँफैलाई जित्नु छ !